Bi derketina derve, êrişên cûntayê yên li dijî kadroyên PKK’ê û kişandina derve ya komên pêşî ji bo perwerdeyê re û li hemberî krîza rêveberiyê ya li hundir sala 1980’î hêzên milletperestên prîmatîf, şoven û reformîst dikevin dewrê. Di bin navê “Hevgirtina Demokratîk a Neteweyî – UDG” de rêxistiniyek bi palpiştiya dewleta Tirkî û Gladio tê sazkirin û bi vê re planekî nû yê êrişê dixin dewreyê. Li hemberî van êrişan, li gelek deverên metropolên Tirkî û Kurdistanê hefteya sor tê ragihandin û di vê çarçoveyê de çalakî tên lidarxistin.
Tevî krîza rêveberiyê ya PKK’ê gewdeyê wê mezin dibe û her diçe girseya li dora wê berfireh dibe. Li Hîlwan, Wêranşar û Swêregê ezmûnên nû yên xwerêveberiyê derdikevin holê, paşê şaredariya Batmanê tê bidestxistin û Edîp Solmaz tê qetilkirin.
