Piştî komkujiya Mereşê rêveberiya awarte tê ragihandin û her ku diçe bêhtir Apocî dibin hedef û dewlet bi ser wan de diçe. PKK hê tam navê wê nehatiye eşkerekirin; di qonaxa derketinê de bi gelek zor û zehmetiyan re rûbirû dibe. Di vê qonaxê de êrişa dewletê ya bi navê Operasyona Elezîzê destpê dike. Ev ji bo PKK’ê weke qonaxeke îmtîhanê ye. Gelek kes têne girtin û Aytekîn Tugluk şehîd dibe. Li hemberî van êrişan Rêber Apo tevdîrên nû digire û di nava amadekariyên berxwedana Swêregê de ye. Û van amadekariyan hemûyan li Ûrfayê di dema rewşa awarte ya eskerî de li qatê banî yê xaniyekî derbas dike. Herweha weke tedbîreke yedek, dem hatiye ji bo derbasbûna binxetê amadekariyan bike.
